2024 оны 08 сарын 23, 24-ний өдрүүдэд Интермед Дархан клиник дээр хүүхдийн нарийн мэргэжлийн эмч нарын баг ажиллаж, 100 орчим хүүхдэд оношилгоо, эмчилгээ, зөвлөгөө өгч ажиллалаа.

Интермед эмнэлэг жил бүр нийгмийн хариуцлагын хүрээнд эмнэлгийн тусламж үйлчилгээ шаардлагатай алслагдсан дүүрэг, сумдын иргэд болон тусгай хэрэгцээт иргэдэд зориулж үзлэг оношилгоо хийдэг билээ. Энэ жилийн хувьд Интермед эмнэлгийн 10 жилийн ойн xүрээнд орон нутгийн иргэддээ зориулж Интермед эмнэлгийн Хүүхдийн тэргүүлэх зэргийн эмч, хүний гавьяат эмч, клиникийн профессор Д.Гэрэлмаа, Хүүхдийн бөөр шээсний замын мэс заслын эмч Б.Мөнxтулга, Хүүхдийн мэдрэлийн эмч П.Дуламжав болон Хүүхдийн зүрxний эмч М.Цацрал нар хоёр дахь удаагаа хөнгөлөлттэй үнээр үзлэг, оношилгоог Интермед Дархан клиник дээр зохион байгуулсан байна.