Дэлхийн анхны тусламжийн өдөр энэ жилийн хувьд 9 дүгээр сарын 14-нд тохиосон бөгөөд үүнтэй холбоотойгоор Интермед эмнэлэг Сант сургуулийн багш, сурагчдад зориулж анхны тусламжийн сургалт, сургуулилт хамтран зохион байгууллаа.

Сант сургуулийн 12 дугаар ангийн сурагч Б.Маралжингийн боловсруулсан сургуулийн орчин дахь анхны тусламжийн удирдамжийн хүрээнд амилуулах суурь тусламжийн сургалтыг тус сургуулийн анхны тусламжийн багийн 20 гаруй багш, ажилтанд Интермед эмнэлгийн сургагч эмч, мэргэжилтнүүд хийж, сертификат олгосон байна.